Një person është arrestuar të premten në fshatin Llaush të Skenderajt, pasi policia i ka gjetur dhe sekuestruar 255.4 gram substanca të dyshuara narkotike të llojit marihuanë, 12 bimë Canabis Sativa me gjatësi 100-180 cm, një palë gërshërë për mirëmbajtjen e bimëve dhe 800 euro para të gatshme.

Sipas Policisë, i dyshuari pas intervistimit me vendim të prokurorit është dërguar në mbajtje.

“Fsh. Llaushë, Skenderaj 29.09.2023 – 10:30. Është arrestuar i dyshuari mashkull kosovar për shkak se njësitë relevante policore gjatë bastisjes së shtëpisë së tij, objektet përcjellëse dhe parcelave të pronës së tij që i kishte punuar kanë gjetur dhe sekuestruar: 255.4 gram substanca të dyshuara narkotike të llojit marihuanë, 12 bimë Canabis Sativa me gjatësi 100-180 cm, një palë gërshërë për mirëmbajtjen e bimëve dhe 800 euro para të gatshme. I dyshuari pas intervistimit me vendim të prokurorit është dërguar në mbajtje”, thuhet në raportin 24 orësh të Policisë së Kosovës./Arbresh.info